Today na de day wey everybody for Africa
dey wait for as Naija wey na dem be de
Baba for Africa go enta de same trouser
with France for dia lass 16 katakata for de
2014 Fifa World Cup.
Na 5 African countri dem na hin enta Brazil for dis year
World Cup, but na only Naija and Algeria fit make am enta
de lass 16.
Since de time wey Naija don dey tap ball for de World Cup,
walahi de Supa Eagus neva for dia life fly pass de lass 16,
and all dia fans don dey pray say make dem bilala France
today.
De koko for de matta wey dey ground now be say de match
go tough die for Naija becos na France carry fess for dia
Group, and na plenty goals sef na hin dem take kwalify.
Naija and France don jam diasef bifor bifor for one play
play match wey shelle for de year 2009, and na Naija win de
match as dem waya France 1 kondo.
Joseph Akpala na hin be de Supa Eagus playa wey score de
goal wey helep Naija win de match dat time.
Meanwilly, Naija coachi, Stephen Keshi kon yarn we amebo for
supersport.com say im and hin boys don sit down jeje do
family meeting, and na muss make hin boys bilala France
today.
“I don tok am bifor say na step by step na hin be our parole
for dis World Cup becos I no wan make we fall our hand for
Brazil, but France no go believe how my boys go take wicked
dem for our ness game,” naso Oga Keshi yarn.
Na 5pm Naija time na hin de match go take start for Brazil,
and make unna no forget to join us for our live tori as we go
pack everything come unna door mouth.
Abeg na who unna think sef say go win dis match between
Naija and France? Oya make unna dey tok make we hear.
Source: supersport
Post a Comment
BE THE FIRST TO COMMENT
Your opinion counts, kindly ensure you drop your comment(s) each time you visit.
Comments on this blog are free opinions of readers, as such Paul will not be liable for them.